7 ნოემბერს მარნეულის საკრებულოს საფინანსო-საბიუჯეტო კომისიის სხდომა გაიმართა. მერიის საფინასო-საბიუჯეტო სამსახურის უფროსის მოვალეობის შემსრულებელმა, მაია ნავერიანმა 2022 წლის ბიუჯეტის სამი კვარტლის ანგარიში წარადგინა. ინფორმაციას რადიო მარნეული ავრცელებს.
“2022 წლის სამი კვარტლის მონაცემებით, შემოსულობებმა 881 146 ლარით გადააჭარბა გადასახდელებს. ანუ, შემოსულობები უფრო მეტი იყო, ვიდრე გადასახდელები. ჯამში ფინანსური აქტივების ცვლილება შეადგენდა 3 086 568 ლარს. სოციალური დაცვა, რომელშიც მოაზრება ოჯახებისა და ბავშვების დაცა, ისე ავადმყოფთა სოციალური დაცვა, აქ 2 375 000 ლარი იყო გამოყოფილი და 1 991 000 ლარი უკვე ათვისებულია სამი კვარტლის მონაცემებით. ასევე, ხდება ერთჯერადი დახმარებები სოციალურად დაუცველი ოჯახებისათვის, ამ მუხლში 648 301 ლარია დახარჯული სამი კვარტლის მონაცემებით. 83% შესრულებულია. სარიტუალო მომსახურებაში გვაქვს 1 700 ლარი . აქ იგულისხმება ომის ვეტერანების და დევნილთა გარდაცვალების შემთხვევაში ერთჯერადი დახმარება“
9 თვის ანგარიშის მოსმენა ვრცლად შეგიძლიათ აქ:
სხდომის დასრულებისას კომისიის წევრებმა მაია ნავერიანს ჰკითხეს იყო თუ არა ბიუჯეტში გათავლისწინებული ავტოპარკის განახლება. საფინანსო საბიუჯეტო სამსახურის უფროსის მოვალეობის შემრულების თქმით, მარნეულის მუნიციპალიტეტის მერიას მომავალი წლისთვის გეგმაში აქვს 4 ახალი ავტობუსის შეძენა.
აღსანიშნავია, რომ მარნეულის მუნიციპალიტეტის საკრებულომ კომისიების სხდომების შესახებ ინფორმაციის გამოქვეყნება ახლახანს დაიწყო. როგორც 4 ნოემბერს, რადიო „მარნეულს“ საკრებულოს საზოგადოებასთან, არასამთავრობო ორგანიზაციებთან და მედიასთან ურთიერთობისა და გენდერული განყოფილების უფროსმა, ია ესებუამ უთხრა, კომისიების სხდომების გამოქვეყნების და ღიაობის კანონით გათვალისწინებული ვალდებულება ამიერიდან შესრულდება.
