კასპის სოფელ თმოგვში 4 სოფელზე (თმოგვი, მირაშხანი, ნაქალაქევი და ფია) გათვლილი საბავშვო ბაღი აშენდება. ინფორმაციას სამხრეთის კარიბჭე ავრცელებს.
ბაღის მშენებლობისთვის თანხა რეგიონებში განსახორციელებელი პროექტების ფონდიდან გამოიყო. ხელშეკრულება შპს “კ-კომპანიასთან” გაფორმდა, ხოლო, პროექტის ღირებულებამ 831 800 ლარი შეადგინა.
სახელმწიფო შესყიდვების ვებგვერდზე გამოქვეყნებული სატენდერო დოკუმენტების მიხედვით, სამუშაო ორ ეტაპად განხორციელდება და 2023 წლის 31 აგვისტოს დასრულდება.
შესრულებული სამუშაოს ხარისხის საგარანტიო ვადა 3 წელია.
