ბათუმის საკრებულოში თავმჯდომარის მოადგილეები აირჩიეს.
პირველი მოადგილე დამოუკიდებელი დეპუტატი, ირაკლი თავდგირიძე გახდა. თავდგირიძე ბათუმის საკრებულოში გიორგი გახარიას პარტიიდან შევიდა, თუმცა, პარტია მალევე დატოვა.
ასევე, თავმჯდომარის მოადგილეებად დაამტკიცეს „ქართული ოცნების“ წევრები: ნატალია ზოიძე და ზურაბ ნაკაიძე. მმართველი გუნდის წევრები აცხადებენ, რომ აღნიშნულით ბათუმის საკრებულოში ხელოვნური კრიზისისა და ქაოსის შექმნის მცდელობა დასრულდა.
ბათუმის საკრებულოს თავმჯდომარე რამაზ ჯინჭარაძე გახდა.
