ქუთაისის მერიამ საახალწლო ნობათების გაცემა დაიწყო. ინფორმაციას რადიო ძველი ქალაქი ავრცელებს.
ქალაქის მერია სასურსათო ამანათებს 4000-ზე მეტ ბენეფიციარს გადასცემს, მათ შორის: სოციალურად დაუცველ ოჯახებს, “მადლიერების სახლის” ბენეფიციარებს, შშმ პირებთან მომუშავე ორგანიზაციებს, ომისა და სამხედრო ძალების ვეტერანებს, მრავალშვილიან და მარტოხელა დედებს, 100 და მეტი წლის ადამიანებს, ღვაწლმოსილ მოქალაქეებს.
საახალწლო ნობათში შედის: გაყინული ქათამი 1, შაქარი 2კგ, შედედებული რძე 1, ზეთი 1, შოკოლადის კანფეტი 1 კგ, ნაღების კარაქი 1 ც, კვერცხი 10, პურის ფქვილი 2 კგ, მაიონეზი 1 ც, ღვინო 1 ც.
წელს სასაჩუქრე ნობათისთვის განსაზღვრული თანხა 212 807 ლარია.
საახალწლო ნობათების მიღებას ბენეფიციარები ქუთაისში, ნიკეას ქ.#19-ში შეძლებენ, ნაწილს კი, ტერიტორიულ- ადმინისტრაციული ერთეულების წარმომადგენლები საცხოვრებელ ადგილებზე დაურიგებენ.
