ბორჯომში მთავარი ნაძვის ხის აწყობა უკვე მიმდინარეობს. იგი საზეიმოდ 22 დეკემბერს აინთება. ცნობილია თუ რა ღონისძიებები გაიმართება წინასაახალწლო დღეებში. ინფორმაციას სამხრეთის კარიბჭე ავრცელებს.
22 დეკემბერს 16:00 საათზე საახალწლო ნაძვის ხის ანთების ცერემონია დაიწყება. იმავე დღეს, კულტურისა და ხელოვნების ცენტრთან არსებული საბავშვო გუნდის კონცერტს გამართავს.
სადღესასწაულო განწყობაზე იზრუნებს გიორგი გაბუნიას შოუ – კონცერტი გელა გნოლიძის ბენდთან ერთად. დასაწყისი 16:30 საათზე.
18:00 საათზე თოვლის ბაბუა ფიფქიასთან ერთად აანთებს საახალწლო ნაძვის ხეს. კონცერტზე მოსულ პატარებს თოვლის ბაბუა გადასცემს ტკბილელულს და საჩუქრებს. სადღესასწაულო დღე ფოიერვერკით დასრულდება.
31 დეკემბერის საახალწლო ღონისძიებები 13:00 საათიდან გამოფენა-გაყიდვებით დაიწყება.
ამავე ტერიტორიაზე, მთავარ ნაძვის ხესთან, განთავსდება სანტას სახლი, სადაც სანტა და ყინულის დედოფალი პატარებისთვის დაარიგებენ საჩუქრებს და გადაიღებენ ფოტოებს, ასევე მოეწყობა ფოტოგადაღების კუთხე.
14:00 საათზე ღია ცის ქვეშ, სადღესასწაულო ნაძვის ხესთან გაიმართება ბორჯომის თოჯინების თეტრის სპექტაკლი.
15:00 საათიდან – 18:00 საათემდე გაიმართება კონცერტი ადგილობრივი ცეკვისა და სიმღერის ანსამბლების მონაწილეობით. კონცერტის პარალელურად მთელი დღის განმავლობაში გაიმართება სხვადასხვა სახის შოუები: ცეცხლოვანი შოუ, ოჩოფეხების შოუ, დრამერების შოუ, მასკოტ შოუ (ზღაპრის გმირების ფორმებით გამოწყობილი მსახიობები).
18:00 საათზე დაიწყება გალა-კონცერტი, სადაც მონაწილეობას ზუკა ხუციშვილი ბენდთან და მომღერალი გიორგი სუხიტაშვილთან ერთად მიიღებენ.
კონცერტი დაასრულდება ფოიერვერკით.
