ახალციხეში „ლელოს“ პროპორციული სია ერთდროულად 4–მა კანდიდატმა დატოვა. არასაკმარისი რაოდენობის გამო, პარტიამ საოლქო საარჩევნო კომისიაში, პროპორციული სია ვერ დაარეგისტრირა. ამის შესახებ სამხრეთის კარიბჭე წერს.
„ლელოს“ 4 კანდიდატს გაუუქმდა რეგისტრაცია, ამის საფუძველზე პარტიული სია ჩამოსცდა დადგენილ მინიმალურ რაოდენობას და პარტიულ სიასაც გაუუქმდა რეგისტრაცია,“ – გვითხრა N37 საოლქო საარჩევნო კომისიის თავმჯდომარე, თეა გავაშელმა.
აღნიშნულ საკითხზე N37 საოლქო საარჩევნო კომისიამ გუშინ, 7 სექტემბერს იმსჯელა.
პარტიიდან წევრების წასვლასთან დაკავშირებით საუბარი არ სურს, ახალციხის რაიონული ორგანიზაციის ხელმძღვანელს, ჯუმბერ ინასარიძეს. იგი არც იმ პირებს ასახელებს, რომლებმაც კანდიდატურა მოხსნეს:
„არ მინდა ამ ხალხის დარტყმის ქვეშ დაყენება და ვერ გეტყვით ვინაობას, რადგან ეშინიათ და მოხსნეს კანდიდატურა,“ – გვითხრა ჯუმბერ ინასარიძემ.
2 ოქტომბრის არჩევნებზე ლელოს მერობის კანდიდატი მანუჩარ ჩაჩანიძეა, გარდა ამისა პარტიას მაჟორიტარი დეპუტატობის კანდიდატებიც ეყოლება.
