წყალმომარაგების კომპანია ახმეტის მუნიციპალიტეტის, სოფელ მატანის წყალმომარაგების სისტემების მშენებლობას აქტიურად განაგრძობს.
წყალმომარაგების კომპანიის ცნობით, სოფელ მატანში წყალმომარაგების ინფრასტრუქტურა ამორტიზებულია. მოსახლეობა ძირითადად საუბნო ონკანებით სარგებლობს.
„პროექტით გათვალისწინებულია 4 სათავე ნაგებობისა და რეზერვუარის მშენებლობა. გარდა ამისა მოეწყობა წყალმომარაგების სრულიად ახალი ქსელი.
სამუშაოების დასრულება მიმდინარე წლის შემოდგომაზეა დაგეგმილი, შედეგად სოფელ მატანში მცხოვრები 5000-მდე ადამიანი, სტაბილური წყალმომარაგებით იქნება უზრუნველყოფილი. პროექტს სახელმწიფო ბიუჯეტის დაფინანსებით 6 მილიონ ლარზე მეტი მოხმარდება”,- ნათქვამია ინფორმაციაში.
