ქედის მუნიციპალიტეტში ტურისტული მნიშვნელობის საავტომობილო გზის რეაბილიტაცია დაიწყო. ინფორმაციას TV25 ავრცელებს.
აჭარის საავტომობილო გზების დეპარტამენტის ინფორმაციით, მახუნცეთი-ზედა მახუნცეთის საავტომობილო გზის ათას 270 მეტრ მონაკვეთზე ორფენიანი ასფალტ-ბეტონის საფარი მოეწყობა. აშენდება ხელოვნური და დამცავი ნაგებობები. აღნიშნული გზით, სოფელში მცხოვრები 50 ოჯახი და ვიზიტორები შეძლებენ გადაადგილებას.
