ბათუმის მერია: ბარცხანის ხიდის რეკონსტრუქცია, ასევე გოგოლის ქუჩისა და გოგოლის ხიდის რეაბილიტაცია დაიწყო

997

ბათუმის მერიის ცნობით, მუნიციპალიტეტში ინფრასტრუქტურული სამუშაოები აქტიურად მიმდინარეობს. უკვე დაიწყო ბარცხანის ხიდის რეკონსტრუქცია და გოგოლის ქუჩისა და გოგოლის ხიდის რეაბილიტაცია. აღნიშნული პროექტები თამარისა და ბონი-გოროდოკის ადმინისტრაციულ ერთეულებში მიმდინარეობს, სადაც ბოლო პერიოდის განმავლობაში არაერთი მასშტაბური ინფრასტრუქტურული პროექტი განხორციელდა.

თამარის ადმინისტრაციულ ერთეულში:

კეთილმოეწყო 25-მდე ქუჩა და ჩიხი.
რეაბილიტირებულ ქუჩებზე ჩატარდა გამწვანების სამუშაოები, სადაც 300-მდე ხე-მცენარე დაირგო.
აშენდა 245 აღსაზრდელზე გათვლილი ახალი საბავშვო ბაღი.
მოეწყო 2 ახალი სპორტული მოედანი.
რეაბილიტაცია უტარდება არსებულ სპორტულ მოედნებს.
ბათუმის მუნიციპალური ინფრასტრუქტურის რეაბილიტაციის ფარგლებში განხორციელდა წყალარინების სატუმბი სადგურების მშენებლობა და ბონი-გოროდოკისა და თამარის დასახლების წყლისა და წყალარინების სისტემების სრული რეაბილიტაცია.
თამარ მეფის გზატკეცილზე მოეწყო ახალი სკვერი და შესაბამისი ინფრასტრუქტურა.

ბონი-გოროდოკის ადმინისტრაციულ ერთეულში:

განხორციელდა 41-მდე ქუჩის, ჩიხისა და შესახვევის რეაბილიტაცია.
ჩატარდა გამწვანების სამუშაოები და დაირგო 100-მდე ხე-მცენარე.
რეაბილიტაცია ჩაუტარდა მე-19 საბავშვო ბაღს.
ბაქოსა და მაიაკოვსკის ქუჩებზე მოეწყო 2 სკვერი და 2 სპორტული მოედანი.
სვიშევსკის ქუჩაზე დაგეგმილია სპორტული მოედნისა და ატრაქციონის კეთილმოწყობა.
ამ ეტაპზე გოგოლის ქუჩის, სვიშევსკის ქუჩის, შესახვევისა და ორი ჩიხის რეაბილიტაცია მიმდინარეობს.