ვაკის რაიონში სადარბაზოებისა რეაბილიტაცია და ლიფტების განახლება მიმდინარეობს

69

ვაკის რაიონის გამგეობის ბინათმესაკუთრეთა ამხანაგობების ხელშეწყობის პროგრამით, რაიონის მასშტაბით, სხვადასხვა სახის სარეაბილიტაციო სამუშაოები მიმდინარეობს. მათ შორის, ლიფტების განახლება და სადარბაზოების რეაბილიტაცია.

გამგეობის ინფორმაციით, ამ დროისთვის, სადარბაზოს შიდა სარეაბილიტაციო სამუშაოები ვაჟა- ფშაველას IV კვარტლის მე-11 კორპუსში და ნუცუბიძის II მიკრორაიონის III კვარტლის მე-6 კორპუსში ხორციელდება. ნუცუბიძის II მიკრორაიონის II კვარტლის მე-5 კორპუსში კი ლიფტის განახლება უკვე დასრულდა.

“ვაკის რაიონის გამგეობა ბინათმესაკუთრეთა ამხანაგობებთან თანამშრომლობას მათი განვითარების მიზნით მომავალშიც გააგრძელებს. ყოველი დაფინანსებული პროექტის შედეგად, ამხანაგობის ანგარიშზე არსებული თანხა (პროექტის ღირებულების 10%), ასევე, მათი საერთო ქონების განახლებას მოხმარდება”, – აცხადებენ ვაკის რაიონის გამგეობაში.