ვარშანიძე: მოდის გლეხი და ვეუბნებით, მიწა, ხრეში, გზა და ტყე მე არ მეხება, მხოლოდ მანქანით სიარული მეხება?

წინა სტატია

შემდეგი სტატია

“კარგია, რომ ვსაუბრობთ დეცენტრალიზაციაზე, თუმცა, მოგეხსენებათ, რომ ჩვენ ამ მიმართულებით ბევრ შეხვედრაზე გვისაუბრია, მაგრამ ნაბიჯები ჯერ ბოლომდე არ გადადგმულა. თუ ჩვენ ვსაუბრობთ დეცენტრალიზაციაზე, ვსვამ შეკითხვას – რა უფლებები გვაქვს მუნიციპალიტეტებს და რას ვაკეთებთ? თუ ვართ მერები და საკრებულოების წევრები, უნდა ვიყოთ თვითმმართველობა და არა – თავკომბალა სისტემის ნაწილი. ამიტომ უნდა შეიცვალოს მიდგომა. ვერაფერს ვერ ვახერხებთ”, – ამის შესახებ ხელვაჩაურის საკრებულოს თავმჯდომარემ, ნადიმ ვარშანიძემ მთავრობის მიერ შემუშავებული დეცენტრალიზაციის სტრატეგიის პროექტის განხილვისას განაცხადა.

მისი თქმით, ერთ-ერთი მთავარი პრობლემა ისაა, რომ ქონების დიდ ნაწილს სახელმწიფო ფლობს, რის გამოც მუნიციპალიტეტები შემოსავლებს კარგავენ.

“ქონების მართვის სააგენტოს რაში სჭირდება, მაგალითად, სოფელ მაჭახელში არსებული მიწა? კარგი იქნება,
თუ ამ კუთხით ვიმუშავებთ და მიწებს გადავცემთ მოქალაქეებს, საიდანაც მუნიციპალიტეტში შემოსავალი შევა.
ასევე, პრობლემაა ტყის საკითხთან დაკავშირებით. ამ მიმართულებითაც არავითარი ფუნქცია არ გვაქვს. ეს საკითხიც უნდა დადგეს და დელეგირება უნდა მოხდეს. საერთოდ უძლურია მუნიციპალიტეტი”, – აცხადებს ვარშანიძე.

ხელვაჩაურის საკრებულოს თავმჯდომარე ბუნებრივ რესურსებზე წვდომის პრობლემასაც აყენებს და აცხადებს, რომ ამ მიმართულებით მიდგომაც აუცილებლად უნდა შეიცვალოს.

“მოდის გლეხი და ვეუბნებით, მიწა, ხრეში, გზა და ტყე მე არ მეხება, მხოლოდ მანქანით სიარული მეხება? არ ვიცით, გარემოს დაცვა რას აკეთებს და რა სამუშაოებს აწარმოებს, მუნიციალიტეტები საერთოდ არ ვართ ჩართული. მოუწერენ კომპანიას ხელს, ჩამოდის და ხელვაჩაურში ბალასტს იღებს. მაინტერესებს, უნდა იცოდეს
თუ არა მუნიციპალიტეტმა, რა ხდება მის ტერიტორიაზე და ვართ თუ არა თვითმმართველი ორგანო? მოსახლემ რომ ურმით ამოიღოს ხრეში, ათასლარიანი ჯარიმაა, ამ დროს კი მოდის ვიღაც ბიზნესმენი და იღებს კუბობით მასალას, მაგრამ სად მიაქვს, არც ვიცით. ღელედან, რომელიც ხელვაჩაურში ჩამოდის და უერთდება მდინარე მაჭახელას, ჩემი ტექნიკით ამოვიღებ ღორღს და ისევ იმ სოფელს მოვახმარ, მაგრამ კანონით, რაც დღეს არსებობს, არ შეიძლება. თანახმა ვართ, გვქონდეს ლიმიტი”, – ამბობს ის.

ვარშანიძის თქმით, ასევე, აუცილებელია განათლების მიმართულებით დეცენტრალიზაცია მხოლოდ სასკოლო ინფრასტრუქტურის მოწესრიგებას არ შეეხოს.

“დავიწყეთ სკოლების მართვა და მათი რეაბილიტაცია. სკოლის მთავარი ფუნქცია განათლების მიცემაა. დეცენტრალიზაცია მხოლოდ ფასადური არ უნდა იყოს, იქ ვინ სწავლობს, ვინ ასწავლის, რა პროგრამებია – ამაში ინტენსიურად უნდა იყოს მუნიციპალიტეტი ჩართული”, – აცხადებს საკრებულოს თავმჯდომარე.

ნადიმ ვარშანიძე ამბობს, რომ დეცენტრალიზაციის პროცესი დროულად უნდა დაიწყოს და თვითმმართველობებს უფლებამოსილებები, ფინანსები და ქონება უნდა გაეზარდოთ.

“თუ ფული და ქონება არ გვექნება, რა უნდა ვაკეთოთ? ინფრასტრუქტურული სამუშაოების გარდა, რომელზეც თანხას სამინისტრო გვირიცხავს, ვერაფერს ვაკეთებთ. ამიტომ მოხარული ვარ, რომ დაიწყო საუბარი დეცენტრალიზაციაზე და მივესალმები, მაგრამ ამას ხოცშესხმა სჭირდება”, – ამბობს ვარშანიძე.

როგორც ცნობილია, დეცენტრალიზაციის საშუალოვადიანი სტრატეგიის (2019-2025) პროექტი საქართველოს რეგიონული განვითარებისა და ინფრასტრუქტურის სამინისტრომ მოამზადა და მასში, ძირითადად, სამი მიმართულებაა გაწერილი – ადგილობრივი თვითმმართველობის უფლებამოსილებების გაზრდა, ფინანსური დეცენტრალიზაცია და ადგილობრივი თვითმმართველობის განხორციელებაში მოქალაქეთა მონაწილეობის უზრუნველყოფის მექანიზმების სრულყოფა.

მსგავსი სიახლეები
''ერთიანი ნაციონალური მოძრაობის'' წევრები ხელვაჩაურის მერის ჯუმბერ ვარდმანიძისა და საკრებულოს თავმჯდომარის ნადიმ ვარშანიძის გადადგომას ითხოვენ. ინფორმაციას აჭარის ტელევიზია ავრცელებს.
წინა სტატია ბათუმის მერია თანახმაა, ხელვაჩაურს ის ტერიტორიები დაუბრუნოს, სადაც მუნიციპალიტეტის დაბა და ადმინისტრაციული ცენტრია
ხელვაჩაურის მუნიციპალიტეტის საკრებულოს ბიუროს სხდომა მიმდინარეობს, სადაც 2019 წლის ბიუჯეტის პროექტს განიხილავენ. დოკუმენტის განხილვის შემდეგ საკრებულომ
წინა სტატია ტერიტორია, სადაც ხელვაჩაურის მერიის შენობა დგას, ამ დრომდე ქალაქ ბათუმის ფარგლებშია მოქცეული. დღეს საკრებულოს თავმჯდომარემ
დიდაჭარის ქუჩა სრულად, ფანასკერტელ ციციშვილის ქუჩა კი ნაწილობრივ, შესაძლოა, ისევ ხელვაჩაურის მუნიციპალიტეტის საზღვრებს დაუბრუნდეს. მუნიციპალიტეტში
ხელვაჩაურის საკრებულოს სხდომაზე დღის წესრიგით გათვალისწინებულ 7 საკითხზე იმსჯელეს. ცვლილება შევიდა მუნიციპალიტეტის 2018 წლის ადგილობრივ ბიუჯეტში,
წინა სტატია ხელვაჩაურის მუნიციპალიტეტის საკრებულომ დღევანდელ სხდომაზე ორ საკითხზე იმსჯელა. ერთი ადგილობრივ ბიუჯეტში ცვლილებებს შეეხება,მეორე
სტიქიითა და ხანძრით დაზარალებული ოჯახებისთვის აჭარის ავტონომიური რესპუბლიკის სარეზერვო ფონდიდან 58 537 ლარი გამოიყოფა. ინფორმაციას
განთიადის დასახლებაში მოქალაქეებმა გუშინ აქცია გამართეს. ისინი სასაფლაოს საზღვრის მოსალოდნელ გაზრდას აპროტესტებენ. მათი თქმით, ხელვაჩაურის
შუახევის მუნიციპალიტეტის სოფელ ხიჭაურში გაზიფიცირების პირველი ეტაპი, რომელიც 2017 წლის 17 ოქტომბერს დაიწყო, დასრულდა. მაღალმთიანი აჭარის
ხელვაჩაურის მუნიციპალიტეტში, ე.წ. ხობჩოს ტყის ტერიტორიაზე, ახალსოფლის სასმელი წყლის მაგისტრალის მოწყობა მიმდინარეობს. მერიის ინფორმაციით, სამუშაოების
ხელვაჩაურში, ე.წ. ოცნების ქალაქში, მცხოვრებლები საპროტესტო აქციას მართავენ. ინფორმაციას ინტერპრესნიუსი ავრცელებს. როგორც აქციის ორგანიზატორებმა განაცხადეს,
წინა სტატია ხელვაჩაურის მუნიციპალიტეტში 39 -ი ოჯახი სოფლიდან განსახლებას ექვემდებარება, მუნიციპალიტეტის მერის მოადგილის განცხადებით, ოჯახები გეოლოგებმა შეისწავლეს
%d bloggers like this: