მოქალაქეებმა, რომელთაც ბათუმში, ე.წ. იაფი სახლის კორპუსები თვითნებურად ჰქონდათ დაკავებული, შენობა დატოვეს

120

ბათუმში, ე.წ იაფი სახლის კორპუსში შეჭრილმა მოქალაქეებმა მერიის მუნიციპალური ინსპექციასა და აჭარის ჯანდაცვის მინისტრის მოადგილე რამაზ ჯინჭარაძესთან მოლაპარაკებებს შედეგად შენობა სრულად დატოვეს, გაიტანეს პირადი ნივთებიც, რომელიც შეჭრის დროს თან ჰქონდათ.

ბათუმის მერიის მუნიციპალური ინსპექციის ინფორმაციით, თითოეული ოჯახის მონაცემები ჩაიწერეს და მოქალაქეთა პრობლემებს ინდივიდუალურად გაეცნობიან.

ცნობისთვის, ბათუმში ე.წ იაფი სახლის კორპუსებში სოციალურად დაუცველი მოქალაქეები შეიჭრნენ და ფართების გადაცემას ითხოვდნენ. როგორც ისინი აცხადებენ, ფინანსური პრობლემები შეექმნათ და საცხოვრებელში ქირის ფულს ვერ იხდიან. მათივე თქმით, წასასვლელი არსად აქვთ.