ბათუმის 2021 წლის ბიუჯეტი, მიმდინარე წელთან შედარებით, კოვიდ პანდემიის გამო 7 მილიონი ლარით შემცირდა და იგი 151 მილიონი ლარი იქნება. თუმცა, გაიზარდა რესპუბლიკური ბიუჯეტიდან მისაღები ტრანსფერი. ამის შესახებ ინფორმაციას აჭარის მაუწყებელი ავრცელებს.
მუნიციპალიტეტის 2021 წლის ფინანსური დოკუმენტიდან ყველაზე მეტი თანხა ქალაქის ინფრასტრუქტურის მოწესრიგებაზე დაიხარჯება. რისთვისაც ბიუჯეტში 68 მილიონ 879 ათას 200 ლარია გათვალისწინებული.
ჯანდაცვასა და სოციალურ უზრუნველყოფაზე კი მერია 15 მილიონ 572 ათას 200 ლარს დახარჯავს. 15 მილიონ 166 ათას 200 ლარი მოხმარდება განათლების სფეროს. ბიუჯეტის პროექტის კორექტირებულ ვარიანტი ბათუმის მერიამ საკრებულოს დღეს, 10 დეკემბრამდე უნდა გადაუგზავნოს. ქალაქის 2021 წლის ფინანსური დოკუმენტი თვის ბოლომდე უნდა დამტკიცდეს.
ოპოზიცია ამტკიცებს, რომ ბათუმის ბიუჯეტი კოვიდგამოწვევებს ვერ პასუხობს,რის გამოც ბიუჯეტი განხილვაში მონაწილეობას არ აპირებენ.
