“შენი იდეა, შენი ქალაქისათვის” – ქუთაისის მერიის კონკურსში 53 ინიციატივა დარეგისტრირდა

64

“შენი იდეა, შენი ქალაქისათვის”-2020 წლის ქუთაისის მონაწილეობითი ბიუჯეტირების პროექტში განაცხადების რეგისტრაცია დასრულდა. მონაწილეობითი კენჭისყრის პლატფორმაზე დარეგისტრირდა 53 პროექტი. ამის შესახებ რადიო ძველი ქალაქი წერს.

პროექტების შეფასება უკვე დაიწყო, რის შემდეგაც 10 უმაღლესი შეფასების მქონე პროექტი გადავა კენჭისყრის რეჟიმზე და საბოლოო 3 გამარჯვებულს მოქალაქეები გამოავლენენ.

მონაწილეობითი ბიუჯეტირების პროექტი რამდენიმე წელია ტარდება. გასულ წლებში რამდენიმე გამარჯვებული პროექტი გამოვლინდა, მათ შორის საპირფარეშოებისა და მიწისქვეშა გადასასვლელების რეაბილიტაცია.

მონაწილეები ძირითადად ინფრასტრუქტურულ, კულტურულ და საგანმანათლებლო პროექტებს არეგისტრირებდნენ.