რიჟვაძე ამბობს, რომ ჯუმბერ ვარდმანიძის ქმედებები პარტიულ შეკრებაზე განიხილეს

671

“ამ თანამდებობის პირს შეეშალა ბევრი მიმართულებით,“ – ჯუმბერ ვარდმანიძის მხრიდან ჟურნალისტის გინების ფაქტს აჭარის მთავრობის თავმჯდომარე აფასებს. ინფორმაციას აჭარის მაუწყებელი ავრცელებს.

თორნიკე რიჟვაძე განმარტავს, რომ საკითხთან დაკავშირებით პარტიაში უკვე იმსჯელეს, თუმცა თანამდებობის დატოვების შესახებ გადაწყვეტილება თავად მერის მისაღებია.  ფაქტს პარლამენტის თავმჯდომარეც გამოეხმაურა, არჩილ თალაკვაძე ერთმნიშვნელოვნად აღნიშნავს, რომ ეს მიუღებელია და ყოველთვის ასე იქნება.

“ქართულ ოცნებაში“ მერის მხრიდან უკანონო მშენებლობის საკითხსაც გამოეხმაურა და თქვა, რომ კანონდარღვევის აღმოფხვრისთვის შესაბამისი ზომები გატარდება. თორნიკე რიჟვაძე დღევანდელ განცხადებაში თედორაძეების ოჯახის თემასაც შეეხო, მისი თქმით სოფელ ჯოჭოში მეწყრის შედეგად დაღუპული ოჯახის განცხადების მოძიება გრძელდება.

ცნობისთვის, “ბათუმელებმა” 12 ოქტომბერს, აუდიოჩანაწერი გაავრცელა, რომელშიც ხელვაჩაურის მერი, ჯუმბერ ვარდმანიძე “ბათუმელების” ჟურნალისტს აგინებს. გამოცემის ცნობით, ჩანაწერი მაშინაა გაკეთებული, როცა ბათუმელების ჟურნალისტი ხელვაჩაურის მერს წინასაარჩევნო შეხვედრებზე სამსახურებრივი ავტომობილით გადაადგილებასთან დაკავშირებით ინტერვიუსთვის მიმართა.