ოპოზიცია სასამართლო სისტემის რეფორმაზე შეთანხმდა

46

საერთაშორისო გამჭვირვალობა — საქართველომ (TI) სასამართლო სისტემის რეფორმირების 10 პუნქტიანი კონცეფცია გამოაქვეყნა, რომელიც მიზნად სასამართლო სისტემის ფუნქციურ და სისტემურ გაუმჯობესებას ისახავს. კონცეფციას, რომელსაც ხელს 8 პოლიტიკური სუბიექტი აწერს, მოსამართლეთა დამოუკიდებლობის გაძლიერებასა და შიდა მმართველობის დემოკრატიული მექანიზმების შემოღებასაც ისახავს მიზნად.

ხელმომწერი სუბიექტები არიან:

  • ერთიანი ნაციონალური მოძრაობა — გაერთიანებული ოპოზიცია ძალა ერთობაშია — გრიგოლ ვაშაძე;
  • დემოკრატიული მოძრაობა-ერთიანი საქართველო — ნინო ბურჯანაძე;
  • სტრატეგია აღმაშენებელი — გიორგი ვაშაძე;
  • საქართველოს ლეიბორისტული პარტია — ლაშა ჩხარტიშვილი;
  • ევროპული საქართველო — ელენე ხოშტარია;
  • პარტია სამართლიანობისთვის — ეკა ბესელია;
  • ლელო საქართველოსთვის — ბადრი ჯაფარიძე;
  • პარტია მოქალაქეები — ლევან იოსელიანი.

ამით ხელმომწერი პარტიები ვალდებულებას იღებენ, რომ 2020 წლის საპარლამენტო არჩევნების შემდეგ, ახალი პარლამენტის შეკრებისთანავე კონცეფციაში მოცემულ რეფორმებს განახორციელებენ. TI-ში აღნიშნავენ, რომ კონცეფცია საკონსტიტუციო ცვლილებებს არ მოითხოვს.

სასამართლო სისტემის რეფორმირების 10 პუნქტიანი კონცეფციის პრეზენტაცია და ხელმოწერის ცერემონია დღეს, 9 ოქტომბერს, არასამთავრობო ორგანიზაციების ინიციატივით, გაიმართა. ღონისძიების ორგანიზატორები არიან:

  • საერთაშორისო გამჭვირვალობა-საქართველო;
  • საქართველოს დემოკრატიული ინიციატივა;
  • ღია საზოგადოების ფონდი;
  • პარტნიორობა ადამიანის უფლებებისთვის;
  • სამართლიანი არჩევნებისა და დემოკრატიის საერთაშორისო საზოგადოება;
  • ინფორმაციის თავისუფლების განვითარების ინსტიტუტ;
  • ადამიანის უფლებათა ცენტრი.

TI-ში აცხადებენ, რომ კონცეფცია არასამთავრობო სექტორის მრავალწლიანი დაკვირვებისა და კვლევების გათვალისწინებით შემუშავდა.