„ქართული ოცნება – დემოკრატიული საქართველოს“ ხარჯი 1-დან 21 სექტემბრის ჩათვლით, 4 305 178 ლარს შეადგენს, საიდანაც პარტიამ მხოლოდ რეკლამაში 3 197 851 ლარი დახარჯა. ამის შესახებ ინტერპრესნიუსი წერს.
როგორც პარტიის მიერ შევსებულ დეკლარაციაშია აღნიშნული, რეკლამის ხარჯებიდან „ქართულმა ოცნებამ“ 1 067 461 ლარი სატელევიზიო რეკლამაში დახარჯა, 32 750.2 ლარი ბეჭდვურ რეკლამაში, ინტერნეტ რეკლამისთვის 267 797 ლარი გაიღო, გარე რეკლამისთვის 1 649 984 ლარი დახარჯა, ხოლო სხვა სარეკლამო ხარჯებისთვის 179 859 გადაიხადა.
ამასთან, აღსანიშნავია, რომ სექტემბერში, 1-დან 21- სექტემბრის ჩათვლით, მათ ბრენდირებული აქსესუარებისთვის თანხები არ გადაუხდიათ.
