პარტია “ერთიანი საქართველო – დემოკრატიული მოძრაობის” პრემიერობის კანდიდატი ნინო ბურჯანაძე იქნება. ამის შესახებ რუსთავი 2-ის ეთერში პარტიის გენერალურმა მდივანმა, გიგლა ბარამიძემ განაცხადა.
როგორც თვითონ ბურჯანაძემ თქვა, მისი პრემიერობა “არ არის ისეთი ამოცანა, რომლის გამოც შეიძლება საქმე გააფუჭონ”.
ნინო ბურჯანაძე 2001-2008 წლებში საქართველოს პარლამენტის თავმჯდომარე და პრეზიდენტის მოვალეობის ორგზის შემსრულებელი იყო. აგვისტოს ომის შემდეგ ის ერთ-ერთი პირველი ქართველი პოლიტიკოსი იყო, ვინც რუსეთში გაემგზავრა და პრეზიდენტ ვლადიმერ პუტინს შეხვდა. მას არაერთხელ აქვს ნათქვამი, რომ NATO-ში შესვლის წინააღმდეგია.
