ჩვენთვის, კახა კალაძის გუნდისთვის საარჩევნო პროგრამაზე მუშაობა არის უდიდესი პასუხისმგებლობა. ეს არის მრავალი საჭიროების წინაშე, შეზღუდული რესურსებით დგომა და სწორი გადაწყვეტილებების მიღება, მას შემდეგ, რაც სწორი მიდგომები გვექნება პრობლემებთან მიმართებაში, – ამის შესახებ თბილისის ვიცე-მერმა, ირაკლი ხმალაძემ გადაცემაში „იმედი LIVE“ განაცხადა.
მისივე თქმით, ამას კომპეტენტური გუნდი სჭირდება და შემდგომში ამ ყველაფრის შესულება.
„4 წელი ვემსახურეთ ქალაქს. ძალიან ბევრი რამ გავაკეთეთ და მომდევნო 4 წელი ზუსტად იგივე გეგმა გვაქვს, მაგრამ შესაძლებელია ასევე საარჩევნო პროგრამაზე იმუშაოს პოლიტიკურმა ჯგუფმა მხოლოდ და მხოლოდ იმ მიზნით, რომ არჩევნებში მიაღწიოს უკეთეს შედეგს. ეს არის 2 რადიკალკურად განსახვავებული რამ და ზუსტად ეს განასხვავებს კახა კალაძეს თავისი ოპონენტებისგან. რაც შეეხება ჩვენს მიმათულებებს. უპირატესი ადგილი უკავია სოციალურ პრობლემებს და ამ მიმართულებით ჩვენ ძალიან ბევრი პროგრამა შევიმუშავეთ“, – განაცხადა ირაკლი ხმალაძემ.
