გარდაბნის მე-3 საჯარო სკოლაში ხანძარი გაჩნდა

27

გარდაბნის მე-3 საჯარო სკოლაში ხანძარი იყო. საგანგებო სიტუაციების მართვის სამსახურის ინფორმაციით, ამ დროისთვის ხანძარი ლიკვიდირებულია.

მათივე ინფორმაციით, შენობიდან მოსწავლეები და პედაგოგები უსაფრთხოდ გამოვიდნენ და დაშავებული არავინ არ არის.

,,შინაგან საქმეთა სამინისტროს საზოგადოებრივი უსაფრთხოების მართვის ცენტრ 112-ში შემოვიდა ინფორმაცია, რომ გარდაბანში, სადგურის ქუჩაზე, მესამე საჯარო სკოლის შენობაში იყო ხანძარი.

ადგილზე სახანძრო-სამაშველო ეკიპაჟები გამოცხადნენ უმოკლეს დროში. მათი ინფორმაციით, ხანძარი იყო ოთხსართულიანი საჯარო სკოლის შენობის მეორე სართულზე ერთ-ერთ ოთახში. შენობიდან მოსწავლეები და პედაგოგები უსაფრთხოდ გამოვიდნენ. დაშავებული არავინ არის. ადგილზე მობილიზებული იყო სამი ეკიპაჟი,” – ნათქვამია ინფორმაციაში.