აჭარაში კორონავირუსის უფასო PCR ტესტირების ადგილი გაფართოვდა,- ამის შესახებ აჭარის ჯანდაცვის სამინისტროში განაცხადეს.
უწყების ცნობით, არსებულ ათ ადგილს, ორი – ე.წ. ხოფის ბაზრობისა და ავტოსადგურის მიმდებარე ტერიტორია დაემატა.
სამინისტროს ინფორმაციით, მოქალაქეებს კვლევის ჩატარება სპეციალურ კარვებში შეუძლიათ.
აღნიშნულ კარვებთან ერთად კორონავირუსზე უფასო ტესტირების ჩატარება ბათუმის 5 პოლიკლინიკაშია შესაძლებელი.
„მოქალაქეებს ნიმუშის აღება 10:00 დან 17:00 საათამდე შემდეგ დაწესებულებებში შეუძლიათ: N1 პოლიკლინიკა ; N4 პოლიკლინიკა; საოჯახო მედიცინის ცენტრი; თამარის დასახლების საოჯახო მედიცინის ცენტრი; ევექსის ბათუმის ამბულატორია.
ასევე დღეიდან ტესტირება ბულვარის ტერიტორიაზე სამ ლოკაციაზე იქნება შესაძლებელი. ახალი კარავი განთავსდა ანბანის კოშკის მიმდებარე ტერიტორიაზე. კარვებში ტესტირება შესაძლებელია 11:00-დან 23:00 საათამდე.
უფასო ტესტირების ჩატარება შესაძლებელია დაავადებათა კონტროლის აჭარის სამმართველოს შენობაში.
ტესტირებისთვის ქობულეთში კარავი არის გამგეობის მიმდებარე ტერიტორიაზე”,- აცხადებენ უწყებაში.
