რუსთავში ფიროსმანის და მოდებაძის ქუჩაზე ინფრასტრუქტრურული პროექტის განხორციელება დაიწყო. სარეაბილიტაციო სამუშაოები მიმდინარეობს მე-12 მიკრორაიონშიც, სადაც გზის კაპიტალური შეკეთება მოხდება.
კაპიტალური რეაბილიტაციის ფარგლებში, მოდებაძის ქუჩაზე ფეხით სავალ ბილიკზე ფილები დაიგება, ფიროსმანის ქუჩაზე კი ახალი ასფალტის საფარის დაგება მოხდება, ასევე დამონტაჟდება ბორდიურები.
რაც შეეხება მე-12 მიკრორაიონის #1 კორპუსის მიმდებარე ტერიტორის, მონაკვეთზე შიდაკვარტალური ეზოს კეთილმოწყობა იგეგმება.
აღნიშნულ მონაკვეთებზე, სარეაბილიტაციო სამუშაოებს რუსთავის მერიის დაკვეთით შპს „მილენიუმ ბილდერს გრუპი “ ახორციელებს. პროექტის განხორციელება რამდენიმე დღის წინ დაიწყო და ნოემბერში დასრულდება.
სამუშაოების ღირებულება 526 869 ლარია.
