“ქართულმა ოცნებამ” ხუთ ქალაქში მერობის კანდიდატები დაასახელა. ამის შესახებ განცხადება პარტიამ პოლიტსაბჭოს სხდომის დასრულების შემდეგ გაავრცელა.
- ქუთაისი – იოსებ ხახალეიშვილი, იმერეთის გუბერნატორის პირველი მოადგილე;
- თერჯოლა – ლაშა გოგიაშვილი, თერჯოლის მერის მოვალეობის შემსრულებელი;
- ხარაგაული – კობა ლურსმანაშვილი, საქართველოს პარლამენტის დეპუტატი;
- ონი – დავით ჩიკვაიძე, ონის მერის მოვალეობის შემსრულებელი;
- კასპი – ვახტანგ მაისურაძე, სახელმწიფო აუდიტის სამსახურის საფინანსო და ლოჯისტიკის დეპარტამენტის უფროსი
“ქართულ ოცნებაში” ასევე დაასახელეს რამდენიმე ოლქის მაჟორიტარი დეპუტატობის კანდიდატებიც:
- თბილისის საკრებულოს კრწანისის მაჟორიტარი დეპუტატობის კანდიდატი – კრწანისის გამგებელი ლევან ჯაფარიძე;
- ბათუმში უმაღლესი საბჭოს მაჟორიტარი დეპუტატობის კანდიდატი – აჭარის ავტონომიური რესპუბლიკის სოფლის მეურნეობის მინისტრის მოადგილე ტიტე აროშიძე;
- ქობულეთში უმაღლესი საბჭოს მაჟორიტარი დეპუტატობის კანდიდატი – ცოტნე ანანიძე;
- ხულოს, შუახევის, ქედის, ხელვაჩაურის უმაღლესი საბჭოს მაჟორიტარი დეპუტატობის კანდიდატად წარდგენილია – ფრიდონ ფუტკარაძე, შუახევის მოქმედი მერი.
