ქუთაისში სკოლამდელი აღზრდის დაწესებულებებში სამზარეულოსა და სველი წერტილების მოწესრიგება იგეგმება. ამის შესახებ ნიუპრესი წერს.
მერიამ პროექტირებასთან დაკავშირებით ხელშეკრულება გააფორმა, რომლის ღირებულებაც 27 ათასი ლარია.
როგორც ქუთაისის მერიის ინფრასტრუქტურის სამსახურის ხელმძღვანელის მოადგილე მირზა ხიდაშელი აცხადებს, სამუშაოები 32 საბავშვო ბაღში ჩატარდება. ბაღების ნაწილში იგეგმება ინკლუზიური საპირფარეშოების მოწყობაც, რაც ფინანსების მოძიებაზეა დამოკიდებული.
ინფორმაციისთვის ქუთაისში 37 ბაგა-ბაღი და 9000-მდე აღსაზრდელია
