აჭარა საზღვაო რეგიონების კავშირის სრულუფლებიანი წევრი გახდა

474

აჭარა საზღვაო რეგიონების კავშირის და ასევე, შავი ზღვისა და ბალკანეთის კომისიის სრულუფლებიანი წევრი გახდა.

აჭარის მთავრობის ინფორმაციით, CPMR (Conference of Peripheral Maritime Regions) წარმოადგენს საზღვაო რეგიონების კავშირს, რომელიც აერთიანებს 24 ქვეყნის 150 რეგიონს, როგორც ევროკავშირიდან, ასევე მის ფარგლებს გარეთ. კავშირი აერთიანებს 200 მილიონამდე მოქალაქეს.

„CPMR არის ევროპული ინსტიტუტების პარტნიორი და რეგიონებს პროექტების შემუშავებასა და ევროკავშირის დაფინანსების მოპოვებაში ეხმარება. ორგანიზაცია მხარს უჭერს რეგიონების როლის გაძლიერებას ევროპულ მმართველობაში. ორგანიზაციის წევრი რეგიონები საზღვაო საქმიანობის, სავაჭრო ურთიერთობის, ენერგეტიკის, ტურიზმისა და კლიმატის ცვლილებების სფეროებში თანამშრომლობენ. აჭარას უნიკალური სატრანსპორტო-გეოგრაფიული მდებარეობა, მრავალფეროვანი ბუნებრივი რესურსები გააჩნია, მსგავსი ინიციატივები კი მნიშვნელოვნად შეუწყობს ხელს შავი ზღვის რესურსების მაქსიმალურ ათვისებასა და დამატებითი ეკონომიკური სარგებლის მიღებას. ორგანიზაციის წევრობა კიდევ უფრო გააძლიერებს აჭარის მთავრობის მიერ დასახული ამოცანების მიღწევის შესაძლებლობებს“,- ნათქვამია ინფორმაციაში.