ხულოს მუნიციპალიტეტისთვის სახელის შეცვლას მოითხოვს ათასზე მეტი ადგილობრივი. ინფორმაციას პირველი არხი ავრცელებს.
საკუთარი ხელმოწერებით საინიციატივო ჯგუფმა პეტიცია საკრებულოში უკვე შეიტანა. მოთხოვნის მიხედვით მუნიციპალიტეტს ხულოს ნაცვლად ისტორიული სახელი „დიდ-აჭარა“ უნდა დაუბრუნდეს. სახელის შეცვლა არ გულისხმობს ადმინისტრაციული ცენტრის სახელდების ცვლილებას. საზოგადოებრივი აზრის შესწავლის შემდეგ საბოლოო გადაწყვეტილება საკრებულომ უნდა გამოიტანოს.
