შუახევში, სოფელ ნენიაში, რეკრეაციულ ზონას, რომლისთვისაც აჭარის ფინანსთა და ეკონომიკის სამინისტრომ გასულ წელს 70 ათას ლარზე მეტი გამოყო, ელექტროენერგია ისევ არ მიეწოდება. ამის შესახებ ინფორმაციას აჭარის მაუწყებელი ავრცელებს.
სარეკრეაციო ზონაში პროექტის მიხედვით მოეწყო ფანჩატურები, სველი წერტილები, საკემპინგე და საპიკნიკე სივრცე, თუმცა, ექსპლუატაციაში ჯერ არ შესულა.
აჭარის ფინანსთა მინისტრის განმარტებით ადგილი ადგილობრივ თვითმმართველობას გადაეცა განსაკარგავად. მისივე ინფორმაციით, შესაძლოა ტერიტორია დროებით მართვაში კერძო კომპანიას გადაეცეს, რისთვისაც შუახევის მერიის პრესცენტრის ინფორმაციით, აუქციონი მესამედ გამოცხადდა.
რაც შეეხება ელექტროენერგიის პრობლემას, შუახევის მერიაში აცხადებენ, რომ პრობლემას უახლოეს დღეებში მოაგვარებენ.
