მცხეთის რვა სოფელში შიდა საუბნო გზების მოასფალტება მიმდინარეობს

168

მცხეთაში საგზაო ინფრასტრუქტურის მოწყობის სამუშაოები ინტენსიურად მიმდინარეობს. მცხეთა-მთიანეთის სახელმწიფო რწმუნებულის ადმინისტრაციის ცნობით, რეაბილიტაცია უტარდება შიდა საუბნო და დასახლებებს შორის დამაკავშირებელ გზებს მუნიციპალიტეტის მასშტაბით.

მხარის სახელმწიფო რწმუნებული შალვა კერესელიძე, პირველ მოადგილესთან მანანა ნარიმანიძესთან და მცხეთის მერის პირველ მოადგილესთან გივი გიუტაშვილთან ერთად, სოფელ აღდგომლიანთკარის შიდა გზების მოასფალტების პროცესს გაეცნო.

სამუშაოები კორონავირუსის პრევენციის მიზნით, პრემიერმინისტრის ხელმძღვანელობით მოქმედი უწყებათაშორისი საბჭოსა და ჯანდაცვის სამინისტროს რეკომენდაციების შესაბამისად, უსაფრთხოების ნორმების მაქსიმალური დაცვით ხორციელდება.

ასევე, აქტიურად გრძელდება საგზაო ინფრასტრუქტურის მოასფალტება მცხეთის მუნიციპალიტეტის სოფლებში – ძალისი, გალავანი, წინამძღვრიანთკარი, ბიწმენდი, ზაქარო, წილკანი და ნავაზი.

სარეაბილიტაციო სამუშაოები საქართველოს რეგიონული განვითარებისა და ინფრასტრუქტურის სამინისტროს რეგიონებში განსახორციელებელი პროექტების ფონდიდან ფინანსდება. მიმდინარე პროექტების ჯამური ღირებულება დაახლოებით 3 მილიონ ლარს შეადგენს.