რუსთავის რამდენიმე ცენტრალურ ქუჩაზე ხეების შეწამვლის სამუშაოები ჩატარდა

40
რუსთავის მერია

რუსთავის რამდენიმე ცენტრალურ ქუჩაზე ხეების შეწამვლის სამუშაოები ჩატარდა. ქალაქ რუსთავის მუნიციპალიტეტის ინფორმაციით, წიწვოვანი ნარგავები კოსტავას გამზირზე, რუსთაველისა და ფიროსმანის ქუჩებზე შეიწამლა.

შავი ფიჭვის ხეები ბიოლოგიურად უსაფრთხო პრეპარატ ,,ნორდოქსით’’ შეიწამლა.

ხე-მცენარეები “რუსთავსერვის ცენტრმა’’ სურსათის ეროვნული სააგენტოს კუთვნილი სპეცტექნიკით შეწამლა.

სამუშაოებს, რუსთავის მერი ირაკლი ტაბაღუა “რუსთავსერვის ცენტრის’’ ხელმძღვანელ გიორგი გოროზიასთან ერთად დაესწრო. მიმდინარე სამუშაოების ფარგლებში, ხე-მცენარეები ასევე შეიწამლა თბილისის, შარტავას და მეგობრობის ქუჩებზე.

რუსთავის მერის განცხადებით, მსგავსი სანიტარული ღონისძიებები მომავალშიც გაგრძელდება, რაც ხელს შეუწყობს ქალაქში ხე-მცენარეების დაავადების გავრცელების პრევენციას და ჯანსაღი წიწვოვანი ნარგავების შენარჩუნებას. ბიოლოგიურად უსაფრთხო პრეპარატების გამოყენებით, ხეების შეწამვლის სამუშაოები, ქალაქის მასშტაბით, მესამე წელია ტარდება.