კორონავირუსის გავრცელების პრევენციის მიზნით, თელავის მუნიციპალიტეტში დროებით შეჩერებული ინფრასტრუქტურული სამუშაოები განახლდა.
თელავის მერიის ინფორმაციით, სოფელ შალაურში ორი შიდა საუბნო გზის სარეაბილიტაციო სამუშაოები მიმდინარეობს. ჯამურად, 1 300 მეტრის სიგრძის გზა მოასფალტდება, მოეწყობა სანიაღვრე არხები.
პროექტი ცენტრალური და ადგილობრივი ბიუჯეტიდან 359 833 ლარით ფინანსდება. სარეაბილიტაციო სამუშაოებს ტენდერში გამარჯვებული “საგზაო-სარემონტო-სამშენებლო კომპანია “სერპანტინი” ახორციელებს.
