ამორტიზებული და უფუნქციო წყლის ჭაბურღილი სოფელ მუხაესტატეში. მოსახლეობა ამბობს, რომ 2016 წელს აგებული ჭაბურღილის უმოქმედობის გამო, 450 ოჯახს წყლის პრობლემა აქვს. 4 წლის წინ ამ პროექტისთვის 200-ათასი ლარი გამოიყო. ამის შესახებ ინფორმაციას აჭარის საზოგადოებრივი მაუწყებელი ავრცელებს.
სიუჟეტში ნათქვამია, რომ ფაქტს აპროტესტებენ “ნაციონალური მოძრაობის” წევრებიც, ისინი ქობულეთის მერიას კორუფციულ გარიგებაში სდებენ ბრალს, რასაც არ ეთანხმებიან ქობულეთის მერიაში.
უწყებაში წერილობით გვიპასუხეს, რომელშიც აღნიშნულია, რომ ტექნიკური დაზიანების გამო ჭაბურღილი ექსპლუატაციაში ვერ შევიდა და მერიამ მიიღო გადაწყვეტილება 2 ახალი დანადგარის მოწყობის შესახებ.
