მთის კურორტების განვითარების კომპანია: გუდაურის ტრასის მდგომარეობა, რამაც დამსვენებლების უკმაყოფილება გამოიწვია, თოვლის სიმცირის შედეგია

595

„მთის კურორტების განვითარების კომპანიის” განცხადებით, გუდაურში სათხილამურო ტრასის მდგომარეობა, რამაც დამსვენებლების ნაწილის უკმაყოფილება გამოიწვია, თოვლის სიმცირის შედეგია. ინფორმაციას ინტერპრესნიუსი ავრცელებს.

როგორც უწყებაში განაცხადეს, დამუშავების შემდეგ კურორტზე თოვლის საფარი 40 სმ-მდეა, რაც საკმარისი არ არის.

“ამ ეტაპზე სათხილამურო ტრასებზე კვლავ თოვლის სიმცირეა. თოვლსატკეპნი ტექნიკა ყოველ ღამე მუშაობს. კურორტზე დაახლოებით 60 სმ ფაფუკი თოვლი მოვიდა, თოვლის დამუშავების შედეგად მივიღეთ 40 სმ-მდე საფარი, რომელიც არ არის საკმარისი.

სათხილამურო ტრასას სჭირდება თოვლის შესაბამისი დამუშავება. სწორედ დაჩეხილ- დამუშავებული თოვლი გვაძლევს “ფრეზის” გამოყენების საშუალებას, რომლისთვისაც უმნიშვნელოვანესია ტემპერატურა (ყინვა).

გუშინდელმა დღემ საშუალება მოგვცა მოგვემზადებინა მხოლოდ პირველი, კუდები1,2,3 , გუდაურა 1 , სნოუპარკისა და კობი- გუდაურის სათხილამურო გზები“, – აცხადებენ „მთის კურორტების განვითარების კომპანიაში“, – განუცხადეს “ინტერპრესნიუსს” უწყებაში.

ცნობისთვის, ერთ-ერთმა დამსვენებელმა გუდაურიდან ვიდეო გაავრცელა, რომელშიც სათხილამურო ტრასის ცუდი მდგომარეობის შესახებ საუბრობს. კერძოდ კი აცხადებს, რომ ტრასა სათანადოდ არაა დამუშავებული, მასზე ქვები ყრია, რაც თხილამურს აზიანებს.