თელავის მუნიციპალიტეტის საკრებულო პროფესორ თენგიზ სიმაშვილისა და მოქალაქეთა ერთობლივი ინიციატივის შესახებ განმარტებას აკეთებს. ინფორმაციას კახეთის ხმა ავრცელებს.
წარმომადგენლობით ორგანოში აცხადებენ, რომ სივრცით -ტერიტორიული დაგეგმარების, ინფრასტრუქტურის და ბუნებრივი რესურსების კომისიამ პროფესორ თენაგიზ სიმაშვილისა და მოქალაქეთა ერთობლივი განცხადება განიხილა, რომელიც გულისხმობს ე.წ. „გიგოს გორაზე“ რეპრესირებულთა მომრიალური პარკის მოწყობას.
უწყების ინფორმაციით, კომისიამ მოქალაქეთა ინიციატივა მოიწონა და მიზანშეწონილად მიიჩნია კანონმდებლობით მინიჭებული უფლებამოსილების ფარგლებში მუნიციპალიტეტმა განახორციელოს შესაბამისი პროცედურები, რათა „გიგოს გორა“, როგორც რეკრეაციული ზონის მქონე ტერიტორია, იქცეს მემორიალურ პარკად.
“თელავის მუნიციპალიტეტის საკრებულო მოქალაქეთა ინიციატივის განხილვას გააგრძელებს. ამ პროცესის დასრულების შემდეგ წარმომადგენლობითი ორგანო მიიღებს შესაბამის გადაწყვეტილებას“, – განაცხადა საკრებულოს სივრცით -ტერიტორიული დაგეგმარების, ინფრასტრუქტურის და ბუნებრივი რესურსების კომისიის თავმჯდომარე დავით ღაღანიძემ.
