ოზურგეთის მუნიციპალიტეტის საჯარო სკოლებში სასწავლო პროცესის განახლებამდე სარემონტო სამუშაოები დაიწყო.
სკოლების სარეაბილიტაციოდ სახელმწიფო ბიუჯეტიდან 1 010 000 ლარი გამოიყო. სამუშაოები 20 საჯარო სკოლაში მიმდინარეობს, როგორც ქალაქში, ისე სოფლებში.
პროექტით გათვალისწინებულია: სკოლებში საკლასო ოთახების, სპორტული დარბაზების, სველი წერტილებისა და ეზოს კეთილმოწყობა.
ინფრასტრუქტურული სამუშაოები სკოლებში სასწავლო წლის დაწყებამდე დასრულდება. ინფორმაციას ოზურგეთის მერია ავრცელებს.
