ხაშურში, ბავშვთა და მოზარდთა შემოქმედებით განვითარების ცენტრის ორგანიზებით, საზაფხულო სკოლა „ მომავალი “ გაიხსნება!
საზაფხულო სკოლა უფასოა და განკუთვნილია ხაშურის მუნიციპალიტეტის საჯარო და კერძო სკოლების 8-დან 13 წლამდე ასაკის მოსწავლეებისათვის. საზაფხულო სკოლა – „მომავალი“ 2017 წლის 3 ივლისიდან 31 ივლისის იფუნქციონირებს. სკოლაში ჩარიცხული ბავშვები ჩაერთვებიან სხვადასხვა სპორტულ და სოციალურ აქტივობებში, მიიღებენ საგნობრივ და სახელოვნებო განათლებას, განუვითარდებათ უნარ – ჩვევები, კომუნიკაბელურობა. ივლიან ექსკურსიებზე, მუზეუმებში, დაათვალიერებენ რაიონის ღირსშესანიშნაობებს.
საზაფხულო სკოლაში მოსწავლეთა რეგისტრაცია 23 ივნისიდან 28 ივნისის ჩათვლით მოხდება.
მსურველებს შეუძლიათ მიმართონ ხაშურის ბავშვთა და მოზარდთა შემოქმედებით განვითარების ცენტრს.
