ბორჯომის მუნიციპალიტეტის სოფელ დვირში, სადაც სკოლამდელი აღზრდის დაწესებულება წლებია აღარ ფუნქციონირებდა 50 აღსაზრდელზე გათვლილ საბავშვო ბაღს აშენებენ.
“ბაღი 3 სოფლის დვირის, ქვაბისხევისა და ჩითახევის მოსახლეობას მოემსახურება. უკვე წლებია მოსახლეობას ბავშვების ტარება ქალაქის ბაღებში უწევდათ. წელს, კი ისინი ახლადაშენებული და ყველაზე თანამედროვე ბაღით ისარგებლებენ“ – აღნიშნა ბორჯომის მერის მოადგილემ ბუბა ბერიძემ.
როგორც მერიაში აცხადებენ, ამ ეტაპზე, ფუნდამენტის მშენებლობა მიმდინარეობს და მშენებლობის დასრულების შემდებ ბაღში ადგილობრივები დასაქმდებიან.
სამუშაოებისთვის მუნიციპალური ბიუჯეტიდან 709 497 ლარი დაიხარჯება.
