დედაქალაქის მასშტაბით საახალწლო ილუმინაციების დემონტაჟი გრძელდება. აღნიშნული სამუშაოებიდან გამომდინარე, “თბილსერვის ჯგუფის” ინფორმაციით, ამაღამ 00:00 საათიდან 24 იანვრის 07:00 საათამდე, ჭავჭავაძის გამზირზე ავტოტრანსპორტის მოძრაობა ნაწილობრივ შეიზღუდება.
შეგახსენებთ, რომ საახალწლო დეკორაციები რუსთაველის გამზირსა და პირველი რესპუბლიკის მოედანზე, ასევე, მელიქიშვილის გამზირზე უკვე ჩამოხსნეს.
