ზუგდიდის მერიამ საახალწლო სანათების შესაძენად ტენდერი გამოაცხადა

1011

ზუგდიდის მუნიციპალიტეტის მერიამ საახალწლო გასანათებელი მოწყობილობების შესყიდვაზე ტენდერი გამოაცხადა. შესყიდვის სავარაუდო ღირებულება 326 953 ლარია.

მერიის ინფორმაციით, სააახალწლოდ ზვიად გამსახურდიას გამზირი, აღმაშენებლისა და რუსთაველის ქუჩები, ცენტრალური მოედანი, ბულვარის ტერიტორია, ბულვარის შიდა ტერიტორია, დადიანების სასახლეთა ისტორიულ-არქიტექტურულ მუზეუმის კარიბჭემდე მისასვლელი გზა, მუზეუმის ეზო, მუზეუმში არსებული მარადმწვანე მცენარეები, ნიკოსეულ სასახლესთან მდგარი ნაძვის ხე და მუზეუმის ეზოში ლამპიონები მოირთვება.  ამასთან, მათივე ცნობით, ქალაქში “ანგელოზის“ კონსტრუქციაც დაიდგემა.

რაც შეეხება საახალწლო ღონისძიებებს,მერიაში აცხადებენ, რომ ის დაგეგმვის პროცესშია და უახლოეს მომავალში გახდება ცნობილი.