ქობულეთის მუნიციპალიტეტში, სოფელ ჩაქვში, გოგოლიშვილის ქუჩის მცხოვრებლები საკანალიზაციო სისტემის მოწყობას ითხოვენ. ისინი ამბობენ, რომ იტბორება სარდაფები, რის გამოც მძაფრი სუნი აწუხებთ. ინფორმაციას აჭარის ტელევიზია ავრცელებს.
ქუჩის მცხოვრებლებს პარტია ,,ევროპული საქართველო’’-ს წარმომადგენლები შეხვდნენ და შესაბამის უწყებასთან შუამდგომლობას დაპირდნენ.
აღნიშნულ საკითხზე ბათუმის მერიაში კომენტარს არ აკეთებენ, თუმცა ამბობენ, რომ ტექნიკური დოკუმენტები უკვე მომზადებულია და ახლა ფინანსების მოზიდვაზე ზრუნავენ.
