შუახევში სანერგე, საჩითილე, სანაშენე და აგროტექნიკის ცენტრი მოეწყობა. ინფორმაციას შუახევის მუნიციპალიტეტის მერია ავრცელებს.
აჭარის სოფლის მეურნეობის სამინისტროს ინფორმაციით, 2018 წელს სამინისტრო შუახევში სანერგე და აგროტექნიკის ცენტრს მოაწყობს, რისთვისაც ბიუჯეტიდან 1 820 000 ლარი დაიხარჯება.
აღნიშნული პროექტი სამინისტროს 2017-2020 წლების სტრატეგიის ფარგლებში ხორციელდება და რამდენიმე კომპონენტს შეიცავს.
► სანერგე მეურნეობა – მაღალპროდუქციული ნერგების გამოყვანა და მოსახლეობისთვის მიწოდება;
► სანაშენე მეურნეობა – მაღალმიან აჭარაში სუფთა ჯიშის პირუტყვით ფერმერების მომარაგება. ჯიშგანახლების ხელშეწყობა;
► საჩითილე მეურნეობა – მებოსტნეობის მხარდაჭერა. მაღალპროდუქტიული ჩითილების გამოყვანა და მოსახლეობისთვის მიწოდება;
► აგროტექნიკის ცენტრი – აგრომარკეტის შექმნა, სადაც შესაძლებელი იქნება აგროტექნიკისა და აგროსაშუალებების, მათ შორის შხამქიმიკატების შეძენა, კონსულტაციის მიღება, წარმოების საშუალებებზე ხელმისაწვდომობის გაზრდა;
(თანხა შეიძლება შეიცვალოს. მომავალი წლის ბიუჯეტის საბოლოო სახეს შემოდგომაზე მიიღებს).
აჭარის სოფლის მეურნეობის სამინისტროს ა(ა)იპ აგროპროექტების მართვის ცენტრის 2017-2018 წლის ქვეპროგრამის ,,ადგილობრივად წარმოებული პროდუქციის რეალიზაციის ხელშეწყობის’’ფარგლებში უკვე მიმდინარეობს ლოჯისტიკური ცენტრის მშენებლობა
