ონის მუნიციპალიტეტის მაღალმთიან სოფელ გლოლაში ახალი საბავშვო ბაღი გაიხსნა. ონის მუნიციპალიტეტის მერიის ცნობით, სკოლამდელი სააღმზრდელო დაწესებულების სამშენებლო სამუშაოებმა 109 721 ლარი შეადგინა. საბავშვო ბაღი, სადაც ამ ეტაპზე 9 აღსაზრდელი ისწავლის, თანამედროვე, ეკოლოგიურად უსაფრთხო ინვენტარით არის აღჭურვილი.
ბაღის გახსნაზე რაჭა-ლეჩუმ-ქვემო სვანეთის გუბერნატორი არჩილ ჯაფარიძე, ონის მუნიციპალიტეტის მერი ემზარ საბანაძე და ადგილობრივი ხელისუფლების სხვა წარმომადგენლები იმყოფებოდნენ.
