თიანეთის მერობის დამოუკიდებელი კანდიდატი და პარლამენტის ყოფილი წევრი თამაზ მეჭიაური თიანეთის მერი ხდება. მცხეთის სასამართლოს პირველი ინსტანციამ თიანეთის საოლქო საარჩევნო კომისიის გადაწყვეტილება გააუქმა.
როგორც ცნობილია, მეჭიაურმა არჩევნები ქართული ოცნების კანდიდატს 1 ხმით მოუგო, თუმცა, მოგვიანებით საოლქო საარჩევნო კომისიამ 5 ბათილი ბიულეტინი ლელა ქიტესაშვილს მიაკუთვნა, რითიც არჩევნების შედეგები შეიცვალა.
„სასამართლო გადაწყვეტილებით, აღდგა პირვანდელი მდგომარეობა, ანუ მდგომარეობა, სანამ საოლქო საარჩევნო კომისია მიიღებდა გადაწყვეტილებას, თავიდან გადათვლიდა ბათილ ბიულეტენებს და გააყალბებდა შედეგებს”, – განაცხადა მეჭიაურის ადვოკატმა მინდია შეთეკაურმა.
მეჭიაურმა, ადვოკატებისა და საქართველოს ახალგაზრდა იურისტთა ასოციაციის დახმარებით, საოლქო კომისიის გადაწყვეტილება გაასაჩივრა. დღეს სასამართლომ გადაწყვეტილება მეჭიაურის სასარგებლოდ გამოიტანა.
რაც შეეხება საიას-ს და თამაზ მეჭიაურის ერთობლივ სარჩელს, ამის განხილვის საჭიროება აღარ არსებობს, რადგან გაუქმებულია დავის საგანი. ამ გადაწყვეტილებით სასამართლომ ის აქტები გააუქმა, რომლის გაბათილებასაც ვითხოვდით“, – თქვა მინდია შეთეკაურმა.
