ჯანდაცვის მინისტრის ზურაბ აზარაშვილის განცხადებით, 2023 წელს, სოციალური შემწეობის მიმღებთა საზოგადოებრივ სამუშაოებზე დასაქმების პროგრამაზე 80 მილიონი ლარი დაიხარჯება.
„სოციალურად დაუცველი ადამიანების დასაქმების პროგრამაზე 80 მლნ ლარია გათვლილი. ეს დაახლოებით 22-23 ათასი ადამიანის დასაქმებას ითვალისწინებს“, – აღნიშნა ჯანდაცვის მინისტრმა.
მთავრობა საზოგადოებრივ სამუშაოზე დასაქმების პროგრამის განსახორციელებლად წელს ₾40 მილიონამდე ხარჯავს.
სოციალური შემწეობის მიმღები, შრომისუნარიანი პირებისთვის საზოგადოებრივ სამუშაოებზე დასაქმების პროგრამა პირველ მარტს დაიწყო და პრემიერმინისტრი ირაკლი ღარიბაშვილი 50 000-მდე ვაკანსიის მობილიზებას აანონსებდა. საზოგადოებრივ სამუშაოებში ჩართული მოქალაქის ხელფასი 300 ლარია. ამასთან, თუ ბენეფიციარი არაფორმალურ სექტორშია დასაქმებული, საქმიანობის ფორმალიზების შესაძლებლობა ეძლევა და ოჯახს 4 წლის განმავლობაში უნარჩუნდება საარსებო შემწეობა.
