ხაშურში რკინიგზის სადგურზე არსებული ხიდის რეაბილიტაცია მიმდინარეობს, – ინფორმაციას ამის შესახებ ხაშურის მუნიციპალიტეტის მერია ავრცელებს.
მერიის ცნობით, პროექტის ფარგლებში, დაიგება ბეტონის საფარი, განახლდება კიბის კონსტრუქცია და მოაჯირები, ასევე, განხორციელდება სამღებრო სამუშაოები.
“ვინაიდან, ხიდზე მიმდინარე სამუშაოები, მოქალაქეებისთვის საფრთხის შემცველია, მოსახლეობას ვთხოვთ, რამდენიმე დღით, თავი შეიკავონ, ხიდზე გადაადგილების მცდელობისგან და ისარგებლონ ალტერნატიული გზით”, – ნათქვამია მერიის განცხადებაში.
პროექტს ახორციელებს საქართველოს რკინიგზა და წარმომადგენლების განმარტებით, სამუშაოები ერთ კვირაში დასრულდება.
