საქართველოს მთავარ ფინანსურ დოკუმენტში ცვლილებები შედის. ორნიშნა ეკონომიკური ზრდის ფონზე მთავრობა ვალისა და ბიუჯეტის დეფიციტს ამცირებს. საქართველოს პარლამენტი 2022 წლის სახელმწიფო ბიუჯეტის შესახებ კანონში შესატანი ცვლილებების განხილვას იწყებს.
საკითხს დღეს ევროინტეცრაციის, საგარეო საქმეთა და დიასპორისა და კავკასიის საკითხთა კომიტეტები ერთობლივად განიხილავენ, დღესვე იგეგმება საკითხის განათლებისა და მეცნიერების კომიტეტში განხილვაც.
28 სექტემბერს საკითხთან დაკავშირებით საფინანსო-საბიუჯეტო კომიტეტის შემაჯამებელი სხდომა გაიმართება.
