„ქართული ოცნების“ აღმასრულებელმა მდივანმა, მამუკა მდინარაძემ, პარტიის ოფისში გამართულ ბრიფინგზე, ფრაქციის ის სამი კანდიდატი დაასახელა, რომელსაც მმართველი გუნდი პარლამენტის სამი კომიტეტის თავმჯდომარეობის კანდიდატად წარადგენს.
რეგიონული პოლიტიკისა და თვითმმართველობის კომიტეტის თავმჯდომარე – კახი კახიშვილი;
სპორტისა და ახალგაზრდობის საქმეთა კომიტეტის თავმჯდომარე – ირაკლი მეძმარიაშვილი;
ჯანმრთელობის დაცვისა და სოციალურ საკითხთა კომიტეტის თავმჯდომარე – ზაზა ლომინაძე.
„დარწმუნებული ვარ, საქართველოს პარლამენტი მიიღებს გადაწყვეტილებას მათი არჩევის შესახებ“, – განაცხადა მამუკა მდინარაძემ.
საკანონმდებლო ორგანო კანდიდატებს მომდევნო სასესიო კვირაში აირჩევს.
