ქუთაისში სააკაძის ქუჩის რეაბილიტაცია მიმდინარეობს

359

ქუთაისის მერიის ინფორმაციით, სააკაძის ქუჩის რეაბილიტაცია მიმდინარეობს.

პროექტი გზის სრულ რეაბილიტაციას გულისხმობს: სავალი ნაწილი დაიფარება ასფალტო-ბეტონის საფარით, მოწესრიგდება ტროტუარები და სანიაღვრე სისტემები.

სამუშაოებს კონკურსში გამარჯვებული შპს „ქეი კონსთრაქშენი“ ასრულებს.

სააკაძის ქუჩის საგზაო ინფრასტრუქტურის რეაბილიტაციისთვის 1 479 402 ლარი დაიხარჯება, რომელიც საპილოტე რეგიონების ინტეგრირებული განვითარების პროგრამით ფინანსდება.

სამუშაოები მიმდინარე წლის ივლისის თვეში უნდა დასრულდეს.