ხელვაჩაურის მუნიციპალიტეტის ბიუჯეტი გაიზარდა

74

ტენდერებიდან მიღებული ეკონომიებისა და შემოსულობების ზრდის ხარჯზე ხელვაჩაურის ბიუჯეტი გაიზარდა და ჯამში 29 მილიონს აჭარბებს. გაზრდილი თანხები ჯანდაცვისა და სოციალურ პროგრამებზე გადანაწილდა. ასევე, დამატებითი რესურსები გაჩნდა ინფრასტრუქტურის მოსაწყობად სხვადასხვა სოფლებში. ინფორმაციას აჭარის ტელევიზია ავრცელებს.

უმრავლესობის მხარდაჭერა ახალი აიპის შექმნის ინიციატივასაც ჰქონდა. კერძოდ შეიქმნა ახალი სამსახური „მუნიციპალური ინსპექციის, ინფრასტრუქტურისა კეთილმოწყობის სამმართველო.“ დღესვე დეპუტატებმა მიმდინარე წლის ბიუჯეტის პირველი კვარტლის შესრულების ანგარიში მოისმინეს.

სხდომას არ ესწრებოდა ოპოზიციის ნაწილი. ბოლო რამდენიმე საკრებულოს სხდომაზე არ ყოფილან დეპუტატები ნაციონალური მოძრაობიდან.