ახალუბნისა და მისაქციელის გზების დამაკავშირებელ მონაკვეთზე საგზაო სამუშაოები მიმდინარეობს

447

მცხეთის მუნიციპალიტეტის სოფელ ახალუბნისა და მისაქციელის გზების დამაკავშირებელ მონაკვეთზე საგზაო ინფრასტრუქტურის კეთილმოწყობა მიმდინარეობს.

სამუშაოები, რეგიონებში გასახორციელებელი ფონდისა და მცხეთის მუნიციპალიტეტის მერიის თანადაფინანსებით, შპს „საგზაო 7“-ის მიერ ხორციელდება და ზაფხულში დასრულდება.

როგორც სამხარეო ადმინისტრაციის მიერ გავრცელებულ ინფორმაციაში ვკითხულობთ, საგზაო ინფრასტრუქტურის მოწესრიგება ერთ-ერთ მთავარ პრიორიტეტს წარმოადგენს, ამიტომაც ამ მიმართულებით სამუშაოები, მუნიციპალიტეტის მასშტაბით, მომავალშიც აქტიურად გაგრძელდება.