ფოთის საკრებულოს სხდომაზე ხმაური იყო

128

ფოთში, საკრებულოს სხდომაზე ხმაური იყო. ოპოზიციის წარმომადგენლებს შენიშვნები სოციალურ პროგრამებთან დაკავშირებით ჰქონდათ.

“ერთიანი ნაციონალური მოძრაობის” წევრების განცხადებით, ქალაქის სოციალური პაკეტი არასწორად არის შედგენილი. მათივე თქმით, შეჭირვებულ ოჯახებზე მიზერული თანხები გაიცემა. ოპოზიციამ აღნიშნული თანხების მომატება მოითხოვა. დეპუტატები ერთმანეთს სიტყვიერად დაუპირისპირდნენ, რის შემდეგაც “ნაციონალური მოძრაობის” წევრებმა სხდომათა დარბაზი პროტესტის ნიშნად დატოვეს. მათი განცხადებით, მმართველი პარტია მუდმივად ,,ნაციონალური მოძრაობის” წარსულით აპელირებს.

,,ამათთან კამათს აზრი არა აქვს. როდესაც სათქმელი არაფერი აქვთ, ყოველთვის აპელირებენ წარსულით. მიშას ახსენებენ, რომელმაც ახალი თანამედროვე სახელმწიფო შექმნა და პიჯაკის და პალტოს გამო ასამართლებენ, სხვა ბრალდება ვერაფერი ვერ მოუძებნეს. სახელმწიფო დაანგრიეს, აღარფერი აღარ არსებობს. საქართველოს სახელმწიფო უსაფრთხოების სამსახური მართავს და ამით მოსწონთ თავი. გაჭირვებული დააფინანსონ ამას ვითხოვთ ჩვენ. ვერ მივაღწიე იმას, რომ ერთჯერადი მატერიალური დახმარება ჩაედოთ, – განაცხდა ,,ერთიანი ნაციონალური მოძრაობის” წევრმა დარეჯან ცხვიტარიამ.

,,ქართული ოცნების” წევრები ოპოზიციის ბრალდებებს უსაფუძვლოს უწოდებენ. მათი თქმით, სოციალურ პროგრამებში მნიშვნელოვანი ცვლილებები განხორცილედა.

,,ნაციონალური მოძრაობას” არ მოეწონს სოციალურ პაკეტში ბიუჯეტის მნიშვნელოვანი ზრდა. სინამდვილეში აპელირება გააკეთეს წარსულზე, მთლიანად საკრებულოს უმრავლესობის წევრებს ეძახეს ,,პუტინის მონები”, როდესაც თითოეულ ჩვენგანს პოლემიკა ჰქონდა გამართული ჯანდაცვის საკითხებზე. ჯანდაცვის საკითხები და პუტინი რა შუაშია ერთმანეთთან, ეს მოსახლეობამ შეაფასოს“, – განაცხადა ,,ქართული ოცნების” წევრმა ზაალ კვინჩიამ.